Jan Batis, Ou ki tou piti…
Ou ki tou piti…
Ou ki tou piti, y ap rele w pwofèt Granmèt la
Wap mache devan l pou w pare chemen pou li.
1.- Gen yon moun Bondye te voye
Se te Jan yo te rele non l
Li rive pou l sèvi temwen
Pou l fè tout moun kapab gen lafwa (Jan 1,7)
2.- Jan Batis deklare byen fò :
“ Mwen pa Kris la, mwen pa Eli,
Menm pwofèt la nou t ap tann nan,
Se pa nan mwen pou nou vi n chèche l (Jan 1,19-21)
3.- Mwen se Pawòl Granmèt la (Jan 1,23)
Se zanmi Marye a mwen ye (Jan 3,29-30)
Mwen se lanp k ap klere chemen l (Jan 5,36)
Fò m disparèt pou l kapab parèt (Jan 3,30)
4.- Se Mouton Bondye a li ye
Li wete peche sou tè a (Jan 1,29)
Lesprisen an desann sou li (Jan 1,32)
Se li menm menm ki Pitit Bondye (Jan 1,34)
5.- Se nan dlo Jan te batize (Jan 1,26)
Pou l pare wout Lespri Jezi
Konpliman pou Bondye Granmèt
Li retire nou sot nan peche (Lik 1,68s).